Ischäller Gruppe Pfäffike SZ

D’Ischäller Gruppä Pfäffike isch e Undergruppä vo de Fasanchtsgesellschaft Pfäffike und bestoht schu sit ungefähr 85 Johr. Sit bald 20 Johr sind vieli jüngeri Mitglieder i d’Ischäller-Gruppä cho und händ de Plausch dra mitzmachä. Sicher drum wells bi eus locker vom Hocker lauft und nüd alles nach schturä Vereinsstate oder feschte Schtrukture ablauft. Euse Haupttag isch natürlich de Drü-Königstag wo mir s’Fasnachtsischälle im Dorf pfläged, wo au immer praktisch alli Mitglieder debi sind. Underem Johr simmer öppe amene Umzug, anere Geburtstagfiir, amene Trichleträffe oder suscht amene Alass, i chlinere Gruppe azträffe. Stolz simmer au uf eusi Geislechlöpfer wo regelmässig träniered, dass si nöd zur Üebig us chömed. Am Johrmärt z’Pfäffike füeremer sit afangs Johrhundert s’Ischäller-Zält zum euseri Kasse e chli ufzstockä.

Präsident Mirco Müller mirco.mueller@mobiliar.ch